الاسماعيلية

في قلبي ساكن والله كتير *** حبك ياغالية قوى علية

وحبي ليكي مالوش تفسير *** غير إني عاشقك ياعينية

وعاشق كل شبر في ارضك *** عاشق طولك عاشق عرضك

يا أغلي البلاد يا اسماعيلية

****

عشقتك قوى وعشقت الروح *** اللي بحسها في حلاوتك

ومهما ببعد ولا أروح *** ماعمرها تقل غلاوتك

برجع وانا هايم مشتاق *** وارسم في قلبي هوى العشاق

وأحط ايدك في إيدية *** يا أغلي البلاد يا إسماعيلية

****

يارب أشوفك يا بلدنا *** جنة منورة أرض الله

يحضن جمالك اولادنا *** ولا عمرهمش يقولوا الآه

يا نور في قلبي وساكن فيه *** ياحب عمرى اللي بعيش بيه

ياساكنة قلبي وعينية *** يا أغلي البلاد يا اسماعيلية